Aklanon News: Boracay sailing boat MPC nagbaton it P1 milyon nga bulig pinansyal halin sa DOLE

KALIBO, Aklan, Hulyo 13 (PIA) —  Nakabaton kurundaya eamang it P1 milyon nga bulig pinansyal ro Malay Association Sailing Boat Owners Incorporated (MASBOI) Sailboat Multi-Purpose Cooperative halin sa Department of Labor and Employment (DOLE).

Ro pagtao it bulig pinansyal hay ginpatigayon sa Manocmanoc Gym sa Barangay Manocmanoc, Boracay Island, Malay, Aklan sa ginhiwat nga pag release it mga cash cards para sa Boracay Emergency Employment Program Adjustment Measures Program (BEEP-AMP) nga ginsaksihan nanday Special Assistant to the President (SAP) Christopher Lawrence “Bong” Go, DOLE Secretary Silvestre Bello III, DENR Sec. Roy Cimatu, Gobernador Florencio T. Miraflores it Aklan, DOLE 6 Regional Director Johnson Cannete ag iba pang mga opisyal it DOLE.

Ro bulig pinansyal halin sa DOLE hay pagagamiton it MASBOI MPC para sa ana kara nga proyekto sa pagbaligya it bugas nga makatao it benefisyo sa 399 nga mga miyembro kara.

Paagi sa bulig pinansyal, may tig 350 nga ka sako it bugas ro itao sa mga miyembro nga igabaligya sa tig P2,250.00 kada sako, samtang may 50 ka sako man nga ibaligya man sa mga ginapanan-aw nga mga konsumidor sa komunidad.

READ:  DOE unveils investment options in Cagayan Valley

Suno sa DOLE, ro proyekto hay para sa siguridad it husto nga suplay it pagkaon ag sangka paagi man para may kitaan ro mga manugbaroto ag mga katuwang kara nga apektado sa pagsara it isla it Boracay.

Gin establisar ro MASBOI MPC ku 2012 sa tuyo nga improbahon ro estado it pagpangabuhi ku mga miyembro kara paagi man sa mga pagnegosyo ag iba pang mga aktibidad pangpangabuhian.

Ginhambae it DOLE nga ro mga tawong nagtipon sa Manocmanoc Gym ku adlaw ngato hay una sa 2,500, kon siin ginkumpunihan ra it mga nagbaton it cash cards sa idaeum it BEEP ag TUPAD ukon tulong Panghanapbuhay para sa Ating Displaced/disadvantaged Workers, ag pangatlo nga grupo it mga benefisyaryo it TUPAD nga gin-orient man sa programa ku adlaw ngato.  (JBG/VGV PIA6 Aklan)

 

Source: PIA Feed