Cebuano News: 100K tabang pinansyal sa Las Nieves aprubado na

BUTUAN CITY, Agosto 14 — Gitakdang makadawat og tabang pinansyal sa kantidad nga P100,000.00 ang lungsod sa Las Nieves, Agusan del Norte, isip suporta sa ilang kasaulogan nga “Adlaw hong Las Nieves.”

Gisaulog sa nahisgutang lungsod ang ilang adlaw hong Las Nieves bag-ohay pa lamang, nga gipasiugdahan sa “Pabibo sa Suba” nga nagpakita sa sports ug socio-cultural activities nga giapilan sa mga estudyante, pribadong sektor, residente sa barangay ug munisipyo, ingon man mga bisita sa nahisgutan nga lungsod.

Ang maong kantidad pinansyal gigahin aron mas mapabibo pa ang usa ka semana nga kalihukan sa maong munisipyo.

Kalihokan kini, nga nahisubay sa mga programa alang sa promosyon sa turismo sa lalawigan. Gi-suportahan kini nila ni Congresswoman Ma. Angelica Rosdell Amante-Matba ug Gobernador Dale B. Corvera.

Gi-aprobahan ang maong resolution sa Sangguniang Panlalawigan, sa pagpangamahan ni Bise Gobernador Ramon AG. Bungabong, pinaagi sa Sanggunian Resolution No.014-2019. (Prisilina P. Amoroso, LGU Agusan del Norte/PIA Agusan del Norte)

READ:  Aviation security draws stakeholders’ participation

Source: PIA Feed