Cebuano News: Buglasan 2018 Farm family congress buksan sa Oktubre 1


Pagpangandam sa pagbukas sa Buglasan 2018 Farm Family Congress, ang mga tinugyanan sa Provincial AGriculture Office (PAO) nga sila Angelina Bondad, Frances Evangeline Yap, Belinda Villahermosa and Charito Catarata nagpasiugda og press conference aron ikapaambit sa publiko ang mga kalihukan nga adto himoon sa PAO-Nursery Compound gikan Oktubre 1-3, 2018.  Ang kasaulogan karong tuiga, misagop sa tema nga “Developing Negros Oriental Towards a Sustainable Organic Farm Tourism Destination. (lpp/PIA7/Negros Oriental)

DUMAGUETE CITY, Setyembre 28 (PIA)—Ang buhatan sa Provincial Agriculture Office (PAO) mobukas sa tinuig nga kasaulogan sa Buglasan 2018 Farm Family Congress karong Oktubre 1-3, 2018. 

Ipahigayon ang Farm Family Congress sa PAO-Nursery Compound, Dumaguete City nga mo display sa mga produktong organic gikan sa mga mag-uuma ug sa mga mangingisda sa Negros Oriental.

Sa gipahigayon nga press conference bag-ohay lang  agi ug pagpahibalo sa katawhan  sa himoong congress namahayag si Belinda Villahermosa, chief sa Negros Oriental Organic Agriculture Management Council (NOOAMC)  nga ang mga mananaog sa provincial competition sama sa extemporaneous speaking contest, 4-H Club quiz, master chef cooking contest, 4-H club minus one singing contest, zumba dance contest, fisher folk master chef, ipadala ngadto sa rehiyonal ug nasyonal nga kompetisyon. 

READ:  Tagalog news: Mga taga Nueva Ecija, hinikayat na suportahan ang ‘3-point campaign’ ng pangulo

Subay sa tema karong tuiga nga “Developing Negros Oriental Towards a Sustainable Organic Farm Tourism Destination”  si Senator Cynthia Villar ang gidapit nga keynote speaker sa himoong pagbukas sa  farm family congress karong Oktubre 1.

Si Villar mopaambit  usab sa iyang kasinati-an kabahin sa “formulation of organic fertilizer”  ngadto sa mga mag-uuma sa Negros Oriental.  (lpp/PIA7/Negros Oriental)

 

 

 

 

 

 

Source: PIA Feed