Cebuano News: Comelec, magbutang og satellite registrations sa mga mall, eskwelahan

TAGBILARAN CITY, July 2 (PIA)–Magbutang ang Commission on Elections (Comelec) og satellite registrations sa mga eskwelahan ug malls kalabot sa pagpadayon sa voter registration karong Agosto 1.

Sa pahayag sa buhatan pinaagi sa ilang Twitter post, gipahibalo sa poll body nga tuyo niining lakang nga mas daghang Pilipino ang makaparehistro.

“COMELEC will be using satellite registration venues like malls and schools to ensure that the commission reaches out to new voter registrant,” matud pa sa pahibalo sa Comelec.

Modagan ang voter registration gikan Agosto 1 hangtod Setyembre 30 ug mahimo na usab magparehistro bisan sa mga adlaw nga Sabado ug Domingo.

Una nang miingon si Comelec spokesperson James Jimenez nga gipaabot nilang naa sa 2 milyon ang magparehistro sulod sa duha ka buwan.

Gipahinumdom usab sa buhatan nga dili na kinahanglan pang magparehistro ang mga botanteng Sangguniang Kabataan (SK) nga moabot na sa 18 anyos ang edad tungod kay awtomatiko lang nga ibalhin ang ilang pangalan ngadto sa regular List of Voters.

Gitakdang ipahigayon ang Barangay ug SK elections sa ikaduhang Lunes sa Mayo 2020. (ecb/PIA7-Bohol)

READ:  DOT6 eyes surge of Chinese tourists in WV

Source: PIA Feed