Cebuano News: DOH-10 gahingusgan ang pagkontrol sa diabetes nga programa sa Camiguin

MAMBAJAO, Camiguin, Setyembre 12 (PIA)–Aron makunhod ang mortalidad ug disabilidad nga datos tungod sa nagbalik-balik nga iglabot sa estilo sa panginabuhing dili makatakod nga sakit pinaagi sa tigman ug malangkobon nga programa sa pagpugong sa iglabot sa estilo sa panginabuhing mga sakit, ang Department of Health (DOH)-10 nagpahigayon sa Hypertensive and Diabetic activity niadtong Setyembre 11, diri.
 
Ang kalihukan naglakip na sa binulang pagdumala sa hypertension (HPN) ug diabetes mellitus (DM) nga maintenance sa Barangay Baylao, Tupsan ug Yumbing.
 
Si Cindy Estanilla, provincial health officer, miingon ang diabetes usa ka global nga kalabotan nga gaputol tabok sa mga utlanan sa kaliwat, kinatawo, estado ug edad.
 
Busa, ang DOH gahatag ug libreng diabetes risk screening sa mga barangay health stations, rural health units/health centers, pampublikong ospital, ug lain pang mga panglawas nga pasilidad sa gobyerno.
 
Ang departamento usab gahatag ug libreng mga tambal sama sa oral anti-diabetes nga mga tambal ug insulin sa mga pasyente nga nadayagnos nga aduna’y diabetes.
 
Ang diabetes usa ka gabalik-balik nga sakit diin ang tao aduna’y taas nga lebel sa asukar sa iyang lawas (hyperglycemia) tungod sa dili insaktong produksyon o aksyon sa insulin, ang hormone nga garegular sa blood sugar levels sa lawas.
 
Dugang pa, ang dili kontroladong diabetes mapadulog sa seryoso nga mga komplikasyon sama sa stroke, atake sa kasing-kasing, end-stage nga sakit sa kidney, ug diabetic retinopathy. (RTP/PIA10)

Source: PIA Feed

READ:  PNP intensifies local ordinance, law enforcement operations in NorMin