Cebuano News: Mga doktor sa NMMC mopailawom sa ‘Telemedicine Training’—DOST

MALAYBALAY CITY, Bukidnon, Hunyo 8 (PIA)—Mopahigayon ang Department of Science and Technology sa rehiyon 10 (DOST-10) og ‘TeleMedicine Training’ alang sa mga ‘medical doctors’ sa Northern Mindanao Medical Center (NMMC) karong Hunyo 22, 2018.

Kini nga pagbansay magtuki kabahin sa pagpadagan sa “Telehealth Device (nga mas nailhang RxBox),” usa sa mga inisyatibo sa rehiyon alang sa proyekto nga “Roll-Out of 1000 Telehealth Device in Selected Rural Health Centers in the Philippines.”

Magtagbo ang mga doktor sa kalungsuran o Rural Health Units, didto sa NMMC aron pagbansay kanila alang sa mga “referral.” 

Ang pagbansay nagtinguha usab nga makahimo og ‘directory’ kon listahan sa mga doktor sa NMMC nga makatabang sa mga RHU.

Ang training usab higayon nga ang mga clinical specialists gikan sa NMMC magkatagbo sa mga doctor sa training, diin magbaylo-ay sila og mga contact numbers alang sa ‘consolidation’ sa pagpahigayon sa ‘training’.

Ang mga pamaagi ug proseso sa pag-‘refer’ sa mga pasyente pinaagi sa mga tawag sa telepono, mga email, mga text, ug uban pang mga matang sa telekomunikasyon pagahisgutan pud aron mahatagan sa tukmang sinabutan nga protocol ang pamaagi niini.

READ:  Child neglect is punishable by law-DSWD

Kini bisan pa nga ang uban nga mga ‘referred patients’ duna nay ‘access’ diha sa uban pang natad sa ‘medical care’ ug opinyon gikan sa mga espesyalista.

Alang sa bansay, lima ka mga mamumulong gikan sa University of the Philippines-National Telehealth Center (UP-NTHC) mo-anhi aron pagbansay sa mga partisipante.

Usa sa mga isyu nga gilakip sa hisgutan mao ang isyu sa ‘data privacy’ diin paningkamutan sa sa usa ka mamumulong gikan sa Department of Information and Communications Technology kon DICT sa rehiyon 10 nga unta mahatagan og tubag ang mga pangutana ug kahingawa subay niini. 

Ang DOST-X, kauban ang mga partner nga ahensya, nagtinguha sa paghatag og paagi alang sa RHUs ug NMMC aron magtinabangay sa pagtabang sa mga pasyente nga nahimutang sa hilit nga mga lugar. (Julie Anne H. Baculio, DOST-10/RLRB, PIA Bukidnon)

 

Source: PIA Feed