Cebuano News: Mga estudyante, libre na sa terminal fees sa mga tugpahanan

MANILA, August 5 (PIA)–Sugod niadtong Agosto 1, 2019, dili na pabayron ang mga estudyante og terminal fees sa tanang tugpahanan sa nasod.

Kini base sa memorandum nga gilagdaan ni Director General Jim Sydiongco sa Civil Aviation Authority of the Philippines (CAAP) diin nakalatid nga sugod niadtong Agosto 1, libre na ang mga estudyante sa terminal fee sa tanang tugpananan nga gi-operate sa CAAP.

Base sa memorandum, sakop sa kamanduan ang mga estudyante nga naka-enroll sa preschool hangtod college apil na usab ang mga naka-enroll sa trade/arts/technical/vocational schools ug training centers.

Ang mga kwalipikadong estudyante  lamang mo-apply og student exemption certificate sa Malasakit Help Desks sa mga airports aron maka-avail sa libreng terminal fees.

Matud pa sa CAAP, tanang Malasakit Help Desks sa mga tugpahanan magsilbi isip refund counters hangtod sa magbaton na og sistema ang mga airline company aron mahatag ang exemption sa ilang booking system. (ecb/PIA7-Bohol)

Source: PIA Feed

READ:  Deped-ARMM intensifies interventions for school children in Marawi