Cebuano news: Napulo ka mga magtutudlo pasidunggan sa KWF

MALAYBALAY CITY, Bukidnon, August 30 (PIA)—Napulo (10) ka mga magtutudlo gikan sa nagkalain-laing dapit sa nasud pagapasidunggan sa Komisyon sa Wikang Filipino (KWF) isip mga modelong magtutudlo sa pinulonga’ng Filipino para sa tuig 2018.

Kini tungod sa dili malabwan nga kakugi nga gipakita nila aron i-bansay ang linggwaheng Filipino ug mga kultura sa nagkalain-laing rehiyon niini.

Mi-agi sa makuti nga pagpili ang mga magtutudlo nga modawat sa pasidungog, kini gi-base sa ilang dako nga kontribusyon diha sa ‘research’ kabahin sa promosyon sa linggwahe ug kulturang Filipino. 

Ang mga modawat sa pasidungog mao ang mga magtutudlo nga sila si Janette P. Calimag, Kalinga State University; Ma. Jesusa D. Unciano, University of Northern Philippines; Reggie O. Cruz, Angeles City Senior High School; Demetrio B. Bautista, Alongilan Senior High School; Emmanuel S. Gonzales, Far Eastern University; Christine Joy Aguila, Philippine Science High School; Jayfel Larido Balingasa, Makati Science High School; Maria Fe G. Hicana, Technological University of the Philippines-Taguig Campus; Julie Gay B. Quidato, West Visayas State University; Shandra C. Gonsang, University of Southern Mindanao.

Ang pagpili kanila gi-base usab sa ilang kontribusyon diha sa mga pamaagi sa ilang pagtudlo sa ilang tagsa-tagsa ka komunidad pinaagi sa publikasyon, seminar, pagbansay, ug uban pang mga aktibidad, lakip na ang paghatag importansya sa linggwahe ug kulturang Filipino uban sa pagpa-uswag sa “Wikang Filipino.” (Komisyon sa Wikang Filipino/PIA 10-Bukidnon)

READ:  Cebuano News: DOLE: Dili himuong babag ang edad sa pag-apply og trabaho  

Source: PIA Feed