Cebuano News: NGCP, mipahibalo sa pagkapalong sa sugang dagitab karong Sabado

TAGBILARAN CITY, Oct. 2 (PIA)–Gipahibalo sa National Grid Corporation of the Philippines (NGCP) pinaagi sa ilang Facebook page sa gitakdang pagkapalong sa sugang dagitab karong Sabado, Oktubre 6. 

Ang maong scheduled power interruption maka-apektar sa tibuok lalawigan sa Bohol gikan alas 4 sa buntag, taman alas 3 sa hapon. 

Apektado niini ang mga gi-suplayan sa Bohol Light Company, Incorporated; Bohol I Electric Cooperative, Inc. (BOHECO I); ug Bohol II Electric Cooperative, Inc. (BOHECO II).

Ang hinungdan sa pagpalong sa sugang dagitab mao ang tinuig o annual nga preventive maintenance sa 138kV Maasin-Ubay submarine cable ug 69kV feeders ug uban pang associated high-voltage equipment sa Ubay ug Corella Substations.

Gitambagan sa NGCP ang publiko sa paghimo sa gihinahanglang pagpangandam alang sa umaabot nga temporaryong pagkapalong sa sugang dagitab karong Sabado. (ecb/PIA7-Bohol)

Source: PIA Feed

READ:  DENR to public: Stop using plastic