Cebuano News: Pagpamatay sa mga media, gitaho sa PCOO Roadshow


TAGBILARAN CITY, Bohol, Sept. 25 (PIA) — Human mamugna ni Presidente Rodrigo Duterte ang Presidential Task Force on Media Security (PTFOMS), napakunhod na ang kadaghanon sa mga sakop sa media nga nabiktima sa pagpanghulga ug pagpamatay dinhi sa nasud.

Ang PTFOMS, usaka pili nga task force nga gilangkoban sa Presidential Communications Operations Office (PCOO) ug sa Department of Justice (DOJ) uban sa ubang ahensya sama sa DILG ug PNP, nga natahasan sa pagpanalipod sa mga sakop sa media. 

Gibutyag sa Chief of Staff sa PTFOMS nga si Atty Ace Agamata didto sa PCOO Campus caravan nga 228 ka kaso sa pagpatay sa mga sakop sa media nahitala sa nasud sukad sa 1986 ngadto sa Mayo 27, 2019.

Hinuon, labing daghan niini, kadtong nahitabo sa Ampatuan Massacre diin sa 58 ka tawo nga namatay sa pagbanhig sa pundok sa mga Mangundadatu nga moduso na unta sa ilang kandidatura pagka gobernador batok sa mga Ampatuan.

Sa 58 ka tawo nga nahalakip sa convoy, 32 niini ang sakop sa media.

Kini nga hitabo giisip nga labing dako nga usa  ka higayon sa pagpatay sa mga sakop media sa tibuok kalibutan.

BISAN SA KALISUD. Alang sa gawasnon nga pamahayag, gipasupot gihapon sa kagamhanan ang pagpanalipud sa media nga mahimong maoy mosaway niini sa mga kasaypanan nga iyang nabuhat. Ang PTFOMS bag-o nga taskforce alang niining katuyu-an.  (rahc/PIA-7/Bohol)

Matud ni Atty. Agamata, human mamugna ang PTFOMS, hinay nga napakanaug sa Pilipinas ang tag niini nga ika 3 ngadto na sa ika-upat nga labing kuyaw nga nasud alang sa mga sakop sa media.

Gani, dugang ni Atty Agamata, ang Center for Media Freedom and Responsibility, mitangtang na sa Pilipinas sa tag nga labing delikado nga nasud sa media.

Kahinumduman nga gikan niadtong 2011 ngadto sa 2014, ang Pilipinas ika tulo sa listahan sa mga nasud nga labing kuyaw sa mga journalists.

Sa tuig 2015-2016, mikanaug kini og usa  ka ang-ang dihang ika upat na sa labing kuyaw nga nasud sa media.

Sa 2017-2018, mikanaug pa ngadto sa ika lima, apan masaligon si Undersecretary Joel Egco sa PTFOMS nga mo-maayo pa ang kahimtang sa Pilipinas.

READ:  GSIS sets APIR mass reactivation deadline on June 30

Hinuon, pinaagi sa PTFOMS, naugkat na sa nasud ang balig napulo ka tuig nga mga kaso, lakip na ang 32 ka sakop sa media nga naangin sa Ampatuan Massacre.

Gibuyag usab ni Atty Agmata nga kapin sa katunga sa mga sakop sa media nga gipatay sa katapusang napulo ka tuig, gipatay apan dili tungd kay sila giinitan sa trabaho.

Matud pa sa PTFOMS, ang trabaho sa media, daan na nga sagubangon human sa pipila ka tuig nga kagubot.

Gisaysay sa PTFOMS atul sa Campus Caravan sa PCOO didto sa Bohol Island State University, sa ilang pagtuon, nasayran nga may mga kaso nga ang karibal nga mga sakop sa media ra usab ang nagpinikhanay, gawas pa nga may mga sakop sa media nga may kalisud sa panalapi ug lunod patay na lang nga modepensa sa amo, mga media nga namolitika na, ug gipagrabe pa sa pagpatuman sa mga blocktimers nga dili gyud mahimong patas sa panahum, ug ang pagkatirador sa mga media kay gisuholan sa mga politico. 

Ang PTFOMS, usa sa mga mamulong sa pagpahigayon sa PCOO Roadshow didto sa Bohol Island State University-Main, Activity Center, diin gisaysay niini ang pagpanalipod sa mga sakop sa media niining kasamtangan nga administrasyon.

Kauban sa PTFOMS mao ang pagsaysay sa Freedom of Information, ang Rehabinasyon ug  ang  Revised Gender Fair Guidebook.

Giaghat ang mga sakop sa media, mga local nga pangulo sa kagamhanan sama sa mga mayor ug opisyales, mga sakop sa academe ug nga tinugyanan sa mga tunghaan, nga tinun-an, information Officers, mga sakop sa Civil Society Organizations ug mga ahensya sa kagamhanan sa pagtambong. 

Ang PCOO Roadshow nagsugod sa alas 8:00 sa buntag, Sept. 25. (rahc/PIA-7/Bohol)

Source: PIA Feed