Cebuano News: Prangkisa sa “Solar Para sa Bayan,” gilagdaan na ni Duterte

MANILA, August 5 (PIA)–Gilagdaan na ni Presidente Rodrigo Duterte ang balaod nga maghatag og 25 ka tuig nga prangkisa sa Solar Para sa Bayan ” nga gipanag-iya sa anak ni Antique Rep. Loren Legarda nga si Leandro Leviste aron maghatag og solar energy sa mga naa sa suok nga mga dapit sa tibuok nasod.

Base sa Republic Act No. 11357 nga gilagdaan sa Presidente niadtong Hulyo 31, apil sa mga serbisyohan sa kompanya ni Leviste ang mga barangay, munisipalidad ug lungsod sa mga lalawigan sa Aurora, Bohol, Cagayan, Camiguin, Capiz, Compostela Valley, Davao Oriental, Guimaras, Isabela, Masbate, Misamis Occidental, Occidental Mindoro, Oriental Mindoro, Palawan ug Tawi-Tawi.

Kalabot niini, gi-obliga sa balaod ang maong kompanya sa pagtukod og mga pasilidad ug mangapod-apod og ekipo aron maka-avail ang mga kustomer og maayo ug masaligang tinybdan sa enerhiya.

Ubos usab sa maong balaod, gimanduan ang solar firm sa pagsumiter ngadto sa Energy Regulatory Commission (ERC), Department of Energy (DOE) ug Kongreso og annual compliance report agi og pagsunod sa terms and conditions sa gihatag nga prangkisa.

READ:  Women urged to have positive outlook in life

Ang solar energy mas barato kun itandi sa kuryente nga produkto sa petrolyo. (ecb/PIA7-Bohol)

Source: PIA Feed