Cebuano News: Probinsya sa Agusan Norte nag-apod-apod og school supplies sa bukid

DAKBAYAN SA BUTUAN, Agosto 16 — Nag-apod-apod og school supplies ang kagamhanan sa sa Agusan del Norte didto sa Tribal Barangay Lawan-lawan, lungsod sa Las Nieves, ug sa Sitio Lekda, Barangay Simbahan, bag-uhay pa lamang didto lungsod sa Buenavista.

Kini makanunayong programa ni governor Ma. Angelica Rosedell M. Amante-Matba aron pagtabang sa pagpaeskuyla sa kabataan ilabi na sa lagyo nga mga dapit. Gilusad nya ang maong programa sa bag-o pa siyang milingkod pagka gobernador niadtong tuig 2013.

Ubay-ubay ang mga tinun-an nga nakadawat sa maong school supplies, gikan sa pre-school hangtod na sa senior high school. Nag-una sa pag-apod-apod didto sa duha ka dapit mao si Bise Gobernador Ramon “RamBu” Bungabong. Didto usab sila Board Member Virgilio R. Escasiñas, Jr. Board Member Datu Buwang Eddie S. Ampiyawan, ug OIC Provincial Agriculturist Alvin Aclan.

Sa Lawan-lawan, didto sila Mayor Avelina Rosales ug Punong Barangay More Migduyan. Sa Lekda mitambong silang Punong Barangay Walter Tuga ug IPMR SB Member Lando Lanapan.

READ:  Tagoloan stakeholders walk for peace

Ang Prov’l. Social Welfare and Development Office, girepresentahan nila Semonette Pabillore ug Juliette Paguia. (Ramon Joma R. Bungabong, LGU-Agusan del Norte/PIA-Agusan del Norte)

Source: PIA Feed