Cebunao News: LPA, gibantayan sa PAGASA, posibleng mosulod sa nasod sa Sabado

TAGBILARAN CITY, July 12 (PIA)–Gibantayan karon sa Philippine Atmospheric, Geophysical and Astronomical Services Administration (PAGASA) ang usa  na usab ka dili maayong panahon gawas sa Philippine Area of Responsibility (PAR).

Sa 4 a.m. weather advisory sa PAGASA, katapusang nasigpatan ang low pressure area (LPA) sa gilay-ong 1,365 kilometro sidlakang bahin sa Visayas.

Wala pa kini epekto sa bisan asa’ng parte sa nasod apan gipaabot nga mosulod kini sa PAR karong weekend.

Kun mahimo kining bagyo samtang naa sulod sa nasod, hinganlan kini og Henry. 

Samtang, usa pa ka cloud cluster o lumpong sa panganod ang nasigpatan sa sidlakang bahin sa Mindanao nga may posibilidad usab nga mahimong usa  ka LPA.

Giingong maka-apekto ang maong cloud cluster sa Mindanao. (ecb/PIA7-Bohol)

Source: PIA Feed

READ:  FEATURE: Just, equitable land ownership empowers Pangasinense farmer