Dinagyang 2019’s opening salvo hiwaton sa Enero 11

SYUDAD SANG ILOILO, Enero 9 (PIA6) – – Gintalana ang opening salvo sang Dinagyang Festival sa Biyernes, Enero 11.

Ginpahayag ni Mayor Jose Espinosa III sa iya Facebook account nga ang kahiwatan sang tuigan nga religious kag cultural nga hilikuton ang magasugod alas tres sa hapon sa bag-o nga Dinagyang Grandstand sa Muelle Loney.

Pinaagi sa kahiwatan, ang mga tagsakdag kag tumalan-aw makaangkon sang preview sang pasundayag sang walo ka mga tribu nga magapasakop sa  Ati Competition nga isa sa mga highlights sang festival sa Enero 27.

Ang siyam ka mga tribu ang ginalakipam sang Tribu Salognon sang Jaro National High School, Tribu Panayanon sang Iloilo City National High School, Tribu Paghidaet sang La Paz National High School, Tribu Ilonganon sang Jalandoni Memorial National High School, Tribu Dagatnon sang Ramon Avanceña National High School, Tribu Hugponganon sang Tiu Cho Teg-Ana Ros Foundation Integrated School, Triubu Pan-ay sang Fort San Pedro National High School kag Tribu Barriohanon sang Bo. Obrero National High School.

READ:  Bambang cops recover WW II bomb

Magluwas sa Dinagyang Grandstand, ang mga tribu ginapaabot nga magapasundayag man sa nanuhaytuhay nga judging area nga nahamtang sa Provincial Capitol, Quezon-Ledesma, Aldeguer, kag Plaza Libertad.
Suno kay Espinosa ang mga mayor nga dalanon sa downtown ang pagaseraduhan sa trapiko humalin ala una sa hapon.
Ginaselebrar ang Dinagyang Festival ang ika-51 ka tuig nga may tema “Connecting Communities through Culture and Faith”. (JBG/laf/PIA6-Iloilo)

 

Source: PIA Feed