Hiligaynon News: Aplikasyon para sa CSC exam tubtob Hunyo 5

SYUDAD SANG LOILO, May 22 (PIA) — Pagabatunon sang rehiyonal nga talatapan sang Civil Service Commission (CSC) diri sa Rehiyon 6 ang aplikasyon may kaangtanan sa ika-duha nga Career Service Examination-Paper and Pencil Test (CSE-PPT)  para sa Professional kag Subprofessional nga level tubtob Hunyo 5, 2019.

Suno sa CSC 6, ang ika-duha nga CSE-PPT sini nga tuig, 2019 pagapatigayunon sa Agosto 4 sa nanuhaytuhay nga testing center sa bilog nga pungsod.

Sa Rehiyon VI, ang testing center yara sa Bacolod City, lloilo City kag  Kalibo sa Aklan.

Pagabatunon sang CSC 6 ang aplikasyon pinaagi sa first-come, first-served basis, apang,  ang aplikasyon igatakop sa anuman nga tion bag-o ang deadline kon nalab-ot na sini ang target nga numero sang aplikante.

Ang mga interesado nga aplikante mahimo magbisita sa opisyal nga website sang CSC sa www.csc.qov.ph sa dugang nga impormasyon. Mahimo man sila magpakig-angut sa CSC Regional Office No. 6 pinaagi sa numero (033) 321-2668 to 59 ukon text CSCROG – 09155412152 or 09087859948, or email cscregion6gmail.com. (laf/PIA6-Iloilo)

READ:  PMRB approves first small scale mining contract in Benguet

Source: PIA Feed