Hiligaynon News: Capiz PPO sulod sa ‘top 3’ sang pinakamaayo nga Police Provincial Office national award

SYUDAD SANG ROXAS, Capiz, Hulyo 13 (PIA) — Ginpatigayon sang hubon nagikan sa PNP national headquarter ang evaluation kag validation sang Capiz Police Provincial Office nga nominasyon bilang kalakip sa “top three” nga mga nominado para sa 2017 Best Provincial Police Office nga pagpasidungog sa nasyonal nga lebel.

Ang nasambit nga hubon ang ginpangunahan ni Chief Supt. Norberto D. Solomon nga executive officer sang  Directorate for Information and Communications Technology Management (DICTM) sang PNP subong man chairperson sang 2017 Best PPO Field Evaluation and Validation.

Nahibaluan nga ang CPPO ang una nga nalakip sa “top 10” tubtob nga nakasulod ini sa “top three” nga lugar sang nasambit nga pagpasidungog.

Ang duha ka iban pa nga nominado nga kalakip sa “top three” amo ang Davao Del Norte kag Bulacan PPO.

Samtang ginpangunahan ni Senior Supt. Samuel Nacion ang presentasyon sang mga dalagko kag talalupangdon nga mga proyekto kag hinimuan sang CPPO humalin Enero 2017 tubtob Abril 2018 sa giinpatigayon nga briefing sa hubon sang mga evaluators kag validators sa Transformation Hall sang Camp Apil.

READ:  Prov'l Gov't visits Cavite’s centenarians

Ang nasambit nga presentasyon ni Nacion ang gindayaw naman ni Chief Supt. Solomon.

Ang grupo ni Chief Supt. Solomon ang nagpatigayon man sang inspeksyon sa nagkalainlain nga mga police station matapos ang aktwal nga pag-usisa sang mga gin-sumite nga dokumento sang CPPO.

Ang pagpili sang pinamakaayo kag talalupangdon nga PPO sa bug-os nga pungsod ang kaangot sa palaabuton nga ika-117 nga Police Service Anniversary nga selebrasyon sa Agosto. (AAL/PIA6 Capiz)

Source: PIA Feed