Ilokano news: Sangguniang Panlalawigan Electronic Information System, maipatungpalen

CABARROGUIS, Quirino, Oct. 10 (PIA) — Agdama nga maisaysayangkat ti pannaka-urnos dagiti amin nga  ordinansa ken pangeddeng nga adda iti ikot ti Opisina ti Sangguniang Panlalawigan ditoy probinsia, abaen ti panangilungalong dagiti board members nga idadauluan ni Vice Governor May Calaunan.

Kinuna ni Jellethe Ramiterre, local legislative officer V, daytoy ket nabayagen nga kalikagum  dagiti  agpanpanday linteg tapnu iti kasta ket naparpardas ti panagsapol kadagiti pangeddeng ken ordinansa no kasapulan.

“Iti  daytoy nga proyekto, maikabil dagiti amin nga pangeddeng ken ordinansa iti maysa nga website . Maurnos dagitoy depende iti tawen nga naadaptar tapnu iti kasta ket nalaka laeng nga mabirukan dagiti agkasapulan nga umili ti probinsiya,”kinuna ni Ramiterre.

Impanamnama pay ni Ramiterre ti naan-anay a pannakasalaknib dagiti  napapateg nga dokumento agsipod ta saan nga makapag print wenno maka-download a daras kadagitoy nga ordinansa wenno pangeddeng. Kasapulan ti permiso wenno bayabay iti administrator iti nasao nga website.

Innayon ni Ramiterre nga adda naangay nga dua nga bayat nga panagisuro iti  Basic Computer  operation kadagiti amin nga empleado ti SP tapnu iti kasta ket saan dan tu nga mariro wenno matikaw no maimplementaren ti proyekto.

READ:  Milling company opens 6th arts tilt to NegOr students

“Daytoy nga proyekto ket kas panagsagana ti dakdakkel nga proyekto nga isu iti “paperless session”  wenno saanen nga panagaramat iti papel tunggal agtataripnung dagiti agpanpanday linteg. Babaen iti   laptop computers ket awanen pulos iti papel nga mabusbos,”kinuna pay ni Ramiterre. (MDCT/TCB/PIA 2-Quirino)

Source: PIA Feed