Iti Ilocos Norte, kampania kontra kolorum a paltog, napatibker

LAOAG CITY, Hunio 5 (PIA) – – Pinatibker dagiti pannakabagi linteg iti Ilocos Norte ti kampania kontra tikolorum a paltog tapno maliklikan ti panagraira ti krimen iti probinsia.

 

Kinuna ni Senior Superintendent Cesar Pasiwen, agdama a direktor ti PNP Ilocos Norte, nga adu nga umili iti probinsia ti agik-ikut ti awanan lisensia a paltog basar iti naudi a report a naawatna manipud kadagiti estasion ti polisia.

 

“Adu pay dagiti paltog a nagpason ti lisensiana nga ik-ikutan dagiti umili iti Ilocos Norte,” kinuna ni Pasiwen.

 

Segun kenni Pasiwen, agtultuloy ti nainget a pannakamonitor dagiti mapagsuspetsaan nga addaan kolorum a paltog, ken ti nainget a pannakaiwayat ti “Oplan Tokhang” tapno mataginayon ti kinatalna ti probinsia aglalo ta umasidegen ti pannakaangay ti eleksion inton 2019.

 

Kiniddaw ni Pasiwen kadagiti umili ti panakapabaro iti kabiitan a panawen dagiti nagpaso a lisensia ti paltogda wenno saan idepositoda ti paltogda iti kaasitgan nga estasion ti polisia iti lugarda para iti nataltalged a pannakaidulinna kabayatan a maiprosproseso ti lisensiana. (FGD/CJDG, PIA1-Ilocos Norte)

READ:  DOST to LGUs: 'Disaster imagination' is key to better preparedness

Source: PIA Feed