Pamilya sa Sugbo sulod sa Top 5 sa Huwarang Pantawid Pamilya

CEBU CITY, August 25 (PIA)  — Nagkadako ang posibilidad nga modaog ang usa ka pamilya nga Sugbo-anon nga gikan sa Barangay Poblacion, Cordova, Cebu isip nasudnong grand winner sa 2018 Huwarang Pantawid Pamilya. 

Ang pamilya Campugan ug uban pa’ng upat gikan sa rehiyon 1, 4-A, 5 ug 6 magtigi sa nasyonal nga lebel sa kompetisyon.

Nakadawat na og kompirmasyon ang Department of Social Welfare and Development (DSWD) Field Office VII miaging Agosto 24, 2018, kabahin sa pagkasulod sa banay nga Campugan sa finalists, human ang hingpit nga deliberasyon sa mga hurado.

Adunay unom ka anak si Clodualdo ug Ofelia Campugan, kini sila; Kimberly, Clavel, Jesper, Pamela, Clofel Mae ug Haneleth.

Tulo sa unom ka anak sa pamilya Campugan, nakalampos na sa pag-skwela gikan sa mga state universities ug aduna nay trabaho.

Samtang, ang laing tulo, nag-eskwela pa — ang isa anaa sa senior year sa kolehiyo ug nagkuha’g Bachelor of Elementary Education; ug ang duha anaa sa Senior ug Junior High School. Ang duha ka high school, lakip sa mga gibantayang mga estudyante ubos sa Pantawid Pamilyang Pilipino Program (4Ps).

Si Clodualdo, usa ka panday ug mamasahero ‘sab siya og trisikad aron madungagan iyang pang-adlaw adlaw nga kita.

Si Ofelia, sa laing bahin, galuto ug gabaligya’g mga kakanin.

“Nakita namo ang mga sakripisyo sa among mga ginikanan ug ang magtapos sa pag-eskwela among pamaagi aron mabayran sila. Dili nami mangita’g lain pa,” ingon ni Claravel, kinsa bag-o lamang nahuman sa kursong Psychology sa University of the Philippines (UP) Cebu.

Si Ofelia, kinsa nakigbisog batok sa stage 3 cancer, gitaa’g prayoridad ang kahimsug sa panglawas sa iyang pamilya.

READ:  498 Ifugaos pass ALS A and E exam

Tungod sa iyang pagpositibo sa sakit nga cancer, gisiguro niya nga nagsunod ang iyang pamilya og healthy lifestyle. Matud niya, “Lawas ang puhonan sa inadlaw-adlaw nga panginabuhi.”

Ang iyang pakigbatok sa cancer sulod sa napulo na ka-tuig nagpamatoud nga mahimo lang kining magmalampuson kung magpabilin siyang malaumon ug lig-on.

Bisan pa sa kalisud, miingon si Ofelia,  “Kung ang inahan mao’y kahayag sa panimalay ug ang kahayag mapalong, unsa’y mahitabo sa panimalay? Unsa’y mahitabo sa pamilya? Busa ako sa akong kahimtang, nagpabilin akong lig-on ug positibo alang sa akong pamilya.”

Isip Pantawid Pamilya partner-beneficiary, ang pamilya Campugan nagsunod sa tanang kondisyon sa programa, sama sa pag tambong sa binuwang Family Development Session (FDS), pagpapurga kaduha sa isa ka-tuig alang sa mga bata nga nag-edad 6-14 ug pagpa-eskwela sa mga bata nga nag-edad 13 hangtud 18, nitunga sa tunghaan.

Aktibo usab ang pamilya Campugan sa mga kalihokan sa ilang komunidad.

Ang mga manghuhukom maghimo na sa field validation karong bulana, ug nalakip niini ang pagbisita nila sa panimalay sa pamilya, pag-interbyu sa pamilya, mga magtutudlo, mga silingan, Pantawid Pamilya co-beneficiaries, mga opisyal sa lungsod ug uban pa.

Pianaagi sa Search for Huwarang Pantawid Pamilya, bout ipaila ang mga angayan sundugon nga pamilyang benepisyaryo sa 4Ps.

I-anunsyo sya ang mga mananaog dungan sa selbrasyon sa National Family Week karong Septembre 24-30. (Jan Karla Madrio/PIA7)

 

Source: PIA Feed