Tagalog News: Mga gobernador ng Mimaropa, may mga bagong tungkulin sa LPP


Mga gobernador ng Mimaropa na kabilang sa mga bagong opisyal ng LPP: (mula sa kaliwa) Sina Presbitero Velasco, Jr.  (Marinduque), Humerlito Dolor (Oriental Mindoro), Jose Riano (Romblon), Eduardo Gadiano (Occidental Mindoro) at Jose Alvarez (Palawan). (Hango ang larawan sa LPP website)

LUNGSOD QUEZON, ika-23 ng Hulyo (PIA) — Lahat ng limang gobernador ng Mimaropa  ay may mga panibagong tungkulin na gagampanan sa League of Provinces of the Philippines (LPP).

Nanunungkulan ngayon bilang National President at regional chairman ng Mimaropa si Marinduque Governor Presbitero J. Velasco Jr.

Si Oriental Mindoro Governor Humerlito A. Dolor naman ang isa sa dalawang Vice President for Luzon at napiling Board Member at Large.

Si Romblon Governor Jose R. Riano naman ang Deputy – Secretary General for Luzon (South) samantalang si Occidental Mindoro Governor Eduardo B. Gadiano ang isa sa apat na Publications and Public Information Officers (Luzon South).

Kabilang naman si Palawan Governor Jose Ch. Alvarez sa Council of Advisers.

Ang LPP ay isang organisasyon ng mga lalawigan na kinakatawan ng mga gobernador kung saan pinag-uusapan ang mga isyung may kinalaman sa pag-unlad ng kanilang mga nasasakupan.

Sina Governor Velasco ay nahalal sa kauna-unahang General Assembly ng LPP para sa mga terminong 2019-2022 kamakailan sa Crowne Plaza Galleria kung saan 61 gobernador ang dumalo.

Mababasa sa ibaba ang iba pang nahalal na opisyal ng LPP: Quirino Gov. Dakila Carlo E. Cua (National Chairman); Tarlac Gov. Susan A. Yap (Executive Vice President); Bataan Gov. Albert Raymond S. Garcia (Vice-President for Luzon); Aklan Gov. Florencio T. Miraflores (Vice President for Visayas); Zamboanga Sibugay Gov. Wilter T. Palma (Vice-president Mindanao); at Davao Oriental Gov. Nelson L. Dayanghirang (secretary-general)

Bukod kay Governor Velasco, ang iba pang mga miyembro ng National Executive Board ay sina: Abra Gov. Maria Jocelyn V. Bernos (CAR); Ilocos Sur Gov. Ryan Luis V. Singson (Region I); Quirino Gov. Dakila Carlo E. Cua (Region II); Tarlac Gov. Susan A. Yap (Region III); Batangas Gov. Hermilando I. Mandanas (Calabarzon); Albay Gov. Al Francis C. Bichara (Region V); Aklan Gov. Florencio T. Miraflores (Region VI); Siquijor Gov. Zaldy S. Villa (Region VII); Leyte Gov. Leopoldo Dominico L. Petilla (Region VIII); Zamboanga Sibugay Gov. Wilter Y. Palma (Region IX); Camiguin Gov. Jurdin Jesus Romualdo (Region X); Compostela Valley Gov. Jayvee Tyron Uy (Region XI); Cotabato Gov. Nancy A. Catamco (XII); Surigao Del Norte Gov. Francisco T. Matugas (Caraga); at Lanao Del Sur Gov. Mamintal A. Adiong Jr.(BARMM)

READ:  Provincial Anti-Drug Abuse Council supports Sirawai MADAC resolution

Makakasama ni Eastern Samar Gov. Ben Evardone ang mga gobernador na sina Dolor, Dayanghirang at Garcia bilang mga Board Member at Large.

Ang iba pang mga opisyal ng LPP ay sina: Lanao Del Norte Gov. Imelda Q. Dimaporo (Treasurer); Batanes Gov. Marilou H. Cayco (Assistant Treasurer); Cotabato Governor Catamco (Assistant Treasurer); Abra Governor Bernos (Auditor); Ilocos Norte Gov. Matthew Marcos Manotoc (Deputy Secretary-General for Luzon (North);  Iloilo Gov. Arthur R. Defensor Jr. (Deputy Secretary-General For Visayas); at Compostela Valley Governor Uy (Deputy Secretary-General For Mindanao).

Bukod kay Goverrnor Gadiano, ang iba pang Publications and Public Information Officers ay sina Apayao Gov. Eleanor C. Bulut –Begtang Luzon (North) at Camiguin Governor Romualdo (Mindanao).  Si Bohol Gov. Arthur C. Yap naman ang Investment Promotion Officer.

Kasama ni Palawan Governor Alvarez sa Council of Advisers sina: Quezon Gov. Danilo E. Suarez; Nueva Vizcaya Gov. Carlos Padilla; Cavite Gov. Juanito Victor C. Remulla Jr.; Dating Laguna Governor Jose “Joey” Lina Jr. at dating Ilocos Norte Governor at ngayo’y Senadora Imee R. Marcos. (LP/LPP)

Source: PIA Feed